(ویب ڈیسک)بلوچستان کے ضلع مستونگ میں کرکٹ گراؤنڈ میں میچ کے دوران فائرنگ سے 2 کھلاڑی جاں بحق ہوگئے۔
پولیس کے مطابق مستونگ کے علاقے شمس آباد کراس پر کرکٹ میچ کے دوران گراؤنڈ میں نامعلوم افراد نے فائرنگ کردی، جس کے نتیجے میں 2 نوجوان جاں بحق ہوگئے۔
پولیس کے مطابق مقتولین کی شناخت آیوش اور ساگر کے ناموں سے ہوئی ہے۔
واقعےکے بعد علاقے میں شدید خوف و ہراس پھیل گیا جب کہ کھلاڑی اور تماشائی اپنی جانیں بچانے کے لیے ادھر اُدھر بھاگ نکلے۔
اطلاع ملتے ہی پولیس اور دیگر قانون نافذ کرنے والے اداروں کے اہلکار جائے وقوعہ پر پہنچ گئے۔ لاشوں کو ضروری کارروائی کے لیے ہسپتال منتقل کردیا گیا جب کہ پولیس نے علاقےکو گھیرے میں لےکر شواہد اکٹھےکرنا شروع کر دیئے۔
حملہ آور واردات کے بعد فرار ہونے میں کامیاب ہوگئے۔ واقعے کے خلاف لواحقین نے احتجاج کرتے ہوئےکوئٹہ کراچی قومی شاہراہ بلاک کردی، بعد ازاں ضلعی انتظامیہ سے مذاکرت کے بعد شاہراہ کھول دی گئی۔
یہ بھی پڑھیں:گروپ کیپٹن عاصم طارق کیس میں خاتون اور قاتل کی ’چیٹ‘ سامنے آگئی
