(24 ںیوز)سوشل میڈیا پر مشہور کارٹون سیریز ’’دی سمپسنز‘‘ کی ایک پرانی قسط ایک بار پھر موضوعِ بحث بن گئی ہے، جس میں 2026 کے فیفا ورلڈ کپ فائنل سے متعلق مبینہ پیشگوئی کا دعویٰ کیا جا رہا ہے۔
وائرل ہونے والی تھیوری کے مطابق 1997 کی قسط “دی کارٹریج فیملی” میں ایک ٹیلی ویژن اشتہار دکھایا گیا ہے جس میں میکسیکو اور پرتگال کے درمیان ایک فرضی فٹبال میچ کی تشہیر کی جاتی ہے، تاکہ یہ طے کیا جا سکے کہ “زمین پر سب سے عظیم قوم کون ہے”۔ سوشل میڈیا صارفین نے اس منظر کو 2026 ورلڈ کپ فائنل کی پیشگوئی قرار دے دیا ہے۔
تاہم تفصیلی جائزے سے یہ بات واضح ہوتی ہے کہ یہ دعویٰ درست نہیں ہے۔ مذکورہ قسط میں نہ تو 2026 کے فیفا ورلڈ کپ کا ذکر موجود ہے اور نہ ہی اسے کسی فائنل میچ کے طور پر پیش کیا گیا ہے۔ اس میں صرف ایک فرضی فٹبال میچ دکھایا گیا ہے جس کا کسی حقیقی ٹورنامنٹ سے کوئی تعلق نہیں۔
The Simpsons Season 9, Episode 5 literally predicted a Portugal vs Mexico 2026 World Cup Final
The scriptwriters don’t miss. pic.twitter.com/VvPkvoBr1v
— Ohene???? (@ik_ohene7) June 8, 2026
یہ افواہ پہلی بار نہیں پھیلی، بلکہ 2018 اور 2022 کے ورلڈ کپ کے دوران بھی اسی نوعیت کے دعوے سوشل میڈیا پر سامنے آ چکے ہیں، اس بار یہ دعویٰ اس لیے دوبارہ وائرل ہوا ہے کیونکہ میکسیکو 2026 ورلڈ کپ کے میزبان ممالک میں شامل ہے، جبکہ موجودہ صورتحال کے مطابق پرتگال اور میکسیکو کے فائنل میں پہنچنے کے امکانات کو بھی سوشل میڈیا پر موضوع بنایا جا رہا ہے۔
دلچسپ بات یہ ہے کہ اس قسط میں دکھائے گئے فرضی میچ کا کوئی نتیجہ بھی ظاہر نہیں ہوتا، اور کھیل اس قدر غیر دلچسپ ہو جاتا ہے کہ اسپرنگ فیلڈ کے تماشائی میچ مکمل ہونے سے پہلے ہی ہنگامہ شروع کر دیتے ہیں۔
This knockout bracket has aligned with the Simpsons’ Mexico ???????? vs Portugal ???????? final prediction. Both teams are on opposite sides of the bracket. Do you think this is possible?#FIFAWorldCup pic.twitter.com/8fTEzwy5yF
— The Foxxy ????One (@foxxydammie) June 28, 2026
واضح رہے کہ 2026 کے فیفا ورلڈ کپ کا فائنل 19 جولائی کو نیو جرسی کے میٹ لائف اسٹیڈیم میں کھیلا جائے گا۔
یہ بھی پڑھیں :عمران خان سے ملاقات کا دن، فہرست جیل حکام کو ارسال
