(24 نیوز) امریکی صدر ڈونلڈ ٹرمپ نے اعلان کیا ہے کہ امریکا نے وینزویلا کے ساتھ دنیا کی تاریخ کا سب سے بڑا تیل کا معاہدہ کر لیا ہے۔
ٹرمپ نے اپنے سوشل میڈیا پلیٹ فارم ٹروتھ سوشل پر بیان جاری کرتے ہوئے بتایا کہ ان کی ہدایت پر وزیر خارجہ مارکو روبیو اور وزیر جنگ پیٹ ہیگسیتھ نے وینزویلا کی عبوری صدر ڈیلسی روڈریگیز کے ساتھ مل کر نجی شعبے کی شراکت سے یہ معاہدہ طے کیا۔
ٹرمپ نے دعویٰ کیا کہ معاہدے کے تحت امریکا نے وینزویلا کے 65 ارب بیرل سے زائد ثابت شدہ تیل کے ذخائر پر اکثریتی کنٹرول حاصل کر لیا۔ یہ تاریخی معاہدہ امریکا کے تیل کے ذخائر کو دوگنا سے بھی زیادہ کرکے تیل کی رسد میں نمایاں اضافہ کرے گا، جس سے مستقبل میں امریکی شہریوں کے لیے پیٹرول کی قیمتوں میں نمایاں کمی ہو جائے گی۔
???? MAJOR BREAKING: President Trump and the US just signed the LARGEST OIL DEAL IN WORLD HISTORY, obtaining 65 BILLION barrels of oil from Venezuela
US oil reserves just MORE THAN DOUBLED.
$0 TAX DOLLARS
MARCO RUBIO, Pete Hegseth and others spearheaded it
Holy smokes … pic.twitter.com/nMTLwlMJiW
— Eric Daugherty (@EricLDaugh) August 28, 2026
امریکی صدر کا کہنا تھا کہ اس معاہدے سے وینزویلا کو بڑی کامیابی اور خوشحالی کی جانب لے جانے میں مدد ملے گی اور دونوں ممالک کے درمیان پہلے سے بہتر ہوتے تعلقات مزید مضبوط ہوں گے۔
امریکی وزیر خارجہ مارکو روبیو نے بھی معاہدے کو دونوں ممالک کے لیے بڑی کامیابی قرار دیتے ہوئے کہا ہے کہ معاہدے کے نتیجے میں مغربی نصف کرۂ ارض میں مستحکم تیل کے ذخائر اور کم لاگت والا تیل دستیاب ہو گا، جبکہ امریکا میں ایندھن کی قیمتوں میں بھی کمی آئے گی۔
یہ بھی پڑھیں:ایرانی سپریم لیڈر کا حکومت کو ایران کی طاقت اور مزاحمت اجاگر کرنے کا حکم
معاہدے سے متعلق بات کرتے ہوئے وینزویلا کی عبوری صدر ڈیلسی روڈریگیز نے کہا کہ معاہدے کے تحت نجی کمپنیوں کی شمولیت سے ملک میں تیل کی پیداوار میں نمایاں اضافہ کیا جائے گا۔ تیل کے 17 اہم شعبوں کو ترقی دی جائے گی، جن میں مجموعی طور پر 65 ارب بیرل تیل کے ثابت شدہ امکانات موجود ہیں۔
روڈریگیز کا کہنا تھا کہ ان منصوبوں میں 100 ارب ڈالر سے زائد کی سرمایہ کاری ہو گی، جو وینزویلا کی تیل کی صنعت کی بحالی اور جدید خطوط پر استوار کرنے کے ساتھ ملکی معاشی ترقی، خطے کی توانائی سلامتی اور عالمی تیل منڈی میں زیادہ توازن پیدا کرنے میں بھی معاون ثابت ہو گی۔
