(ویب ڈیسک)جنوب مغربی چین کے صوبہ یوننان میں منعقدہ آموں کے سالانہ مقابلہ وزن میں 4.16 کلوگرام وزنی آم نے سب کو پیچھے چھوڑتے ہوئے ’’بادشاہ آم‘‘ (King of Mango) کا اعزاز اپنے نام کر لیا ہے۔
مقابلے میں مختلف علاقوں کے کسانوں نے اپنے بہترین اور غیر معمولی جسامت کے آم پیش کیے، جہاں ماہرین نے پھلوں کا وزن، معیار اور ظاہری شکل کا جائزہ لیا۔
Giant pumpkins have weigh-offs, and in southwest China’s Yunnan, it’s giant mangoes. A 4.16-kg fruit claimed this year’s “Mango King” title at a local contest, part of an effort to blend fruit, fun games and local culture to boost tourism. pic.twitter.com/INhIL14P0R
— China Xinhua News (@XHNews) July 18, 2026
سخت مقابلے کے بعد 4.16 کلوگرام وزنی آم کو سب سے بھاری قرار دیا گیا اور اسے تقریب کا فاتح قرار دے دیا گیا۔
مزید پڑھیں:ویڈیو:ناروے میں آگ سے 100 گھر راکھ
منتظمین کے مطابق اس مقابلے کا مقصد اعلیٰ معیار کے آموں کی کاشت کو فروغ دینا، جدید زرعی طریقوں کی حوصلہ افزائی کرنا اور مقامی آم کی صنعت کو مزید مستحکم بنانا ہے۔
تقریب میں بڑی تعداد میں کسانوں، زرعی ماہرین اور سیاحوں نے شرکت کی، شرکا نے مختلف اقسام کے آموں کی نمائش دیکھی اور مقامی زرعی مصنوعات میں بھی گہری دلچسپی کا اظہار کیا۔
حکام کا کہنا ہے کہ یوننان کا گرم اور معتدل موسم اعلیٰ معیار کے آم پیدا کرنے کے لیے نہایت موزوں سمجھا جاتا ہے۔
اس نوعیت کے مقابلے مقامی کسانوں کی حوصلہ افزائی اور زرعی معیشت کے فروغ میں اہم کردار ادا کرتے ہیں۔
