(24 نیوز)چین کے گویانگ لونگ ڈونگ باؤ انٹرنیشنل ایئرپورٹ پر لینڈنگ کے فوراً بعد چائنا ایسٹرن ایئرلائنز کی پرواز میں کمپارٹمنٹ میں رکھے ہوئے پاور بینک میں آگ لگ گئی جسے کیبن کریو کے ارکان نے جلدی سے بجھا دیا۔
ساؤتھ چائنا مارننگ پوسٹ کے مطابق یہ واقعہ چائنا ایسٹرن فلائٹ MU2421 پر پیش آیا، مسافر کے کیری آن بیگ کے اندر موجود پاور بینک میں اس وقت آگ لگ گئی جب طیارہ ٹرمینل کی طرف جا رہا تھا۔
China Eastern flight, Lanzhou to Guiyang this morning. Plane had already landed and was taxiing when someone in front starts screaming “Fire!” and running. People look up… overhead bin is on fire.. Crew and passengers trying to deal with it, then the fire trucks show up on the… pic.twitter.com/4NZ191EaZs
— Fahad Naim (@Fahadnaimb) July 24, 2026
ایوی ایشن سیفٹی نیٹ ورک کے مطابق کسی قسم کے زخمی ہونے کی اطلاع نہیں ہے تاہم ہوائی جہاز کو دھوئیں سے معمولی نقصان پہنچا ہے۔
مزید پڑھیں:بلندی کے ساتھ خوبصورتی کا شاہکار! چین میں آبشار والا بلند ترین برج
سوشل میڈیا پر شیئر کی گئی ویڈیوز میں سامان کے ایک کمپارٹمنٹ سے آگ کے شعلے اور دھواں نکلتا ہوا دکھایا گیا۔
ایک فلائٹ اٹینڈنٹ کو ڈبے میں پہنچتے دیکھا گیا جب عملے کے دیگر ارکان آگ پر قابو پانے کی کوشش کررہے تھے۔
کیبن کریو نے مسافروں کے اترنے سے پہلے آگ پر قابو پالیا جبکہ ایئرپورٹ کے فائر فائٹرز نے بھی رسپانس دیا۔
ایک مسافر نے چینی میڈیا کو بتایا کہ کیبن کے سامنے والے مسافروں نے آگ دیکھ کر چیخنا شروع کر دیا اور وہاں سے چلے گئے۔
