( ویب ڈیسک )ساؤتھ چائنا سی میں فلپائن اور چین کے درمیان ہونے والی جھڑپ میں دونوں ممالک کے فوجی اہلکار آپس میں گتھم گتھا ہوگئے۔
غیر ملکی خبررساں ایجنسی کے مطابق ساؤتھ چائنا سی کے متنازع پانیوں میں پیر گزشتہ روز دونوں ممالک کے جہازوں کے درمیان پیش آنے والے واقعے کے بعد چین اور فلپائن نے ایک دوسرے پر الزامات عائد کیے ہیں۔
فلپائن کے مطابق اس جھڑپ میں اس کی بحریہ کا ایک اہلکار سر پر چوٹ لگنے سے زخمی ہوا۔
AFP RELEASES VIDEO OF CHINA COAST GUARD HITTING PH NAVY PERSONNEL
WATCH: The Armed Forces of the Philippines released video showing China Coast Guard personnel aboard a rigid hull inflatable boat hitting Philippine Navy personnel on a rubber boat with wooden batons near Ayungin… pic.twitter.com/sgVuiVtVZR
— Tristan Nodalo (@TristanNodalo) July 20, 2026
فلپائن نے کہا کہ چینی کوسٹ گارڈ کے اہلکاروں نے سیکنڈ تھامس شول کے قریب جھڑپ کے دوران اس کے ایک اہلکار کو لکڑی کے ڈنڈے سے سر پر مارا جبکہ ایک ربڑ بوٹ کو بھی نقصان پہنچا۔
فلپائن کی مسلح افواج کے مطابق چینی کوسٹ گارڈ کی ایک کشتی، جس میں آٹھ اہلکار سوار تھے، اس کے گراؤنڈ کیے گئے جنگی جہاز کے قریب آئی اور تصاویر و ویڈیوز بنائیں۔
بیان کے مطابق جب فلپائنی بحریہ کی دو کشتیوں نے چینی جہاز کو دور کرنے کی کوشش کی تو اس کے اہلکاروں نے پرتشدد اور جارحانہ ردعمل دیتے ہوئے فلپائنی اہلکاروں کو لکڑی کے ڈنڈے سے نشانہ بنایا۔
دوسری جانب چین کا مؤقف ہے کہ اس کے اہلکار معمول کی بحری گشت پر تھے کہ فلپائن کی فوج کی دو کشتیاں تیزی سے ان کے قریب آئیں اور متعدد وارننگز نظر انداز کیا جس کے بعد چینی فوجیوں کو صورتحال کنٹرول کرنے کے لیے ضروری اقدامات کرنے پڑے۔
