(24نیوز)پیٹرول کی قیمتوں میں روزانہ کی بنیاد پر ردوبدل کو شہریوں نے جیبوں پر ایک بڑا ڈاکا قرار دے دیا۔
شہریوں نےروزانہ کی بنیادپرپیٹرولیم مصنوعات کی قیمتوں میں ردوبدل کے فیصلے پر شدید مایوسی، غصے اور تشویش کااظہارکرتے ہوئے کہاہے کہ کمائی اور آمدنی کے ذرائع وہی پرانے جبکہ روزمرہ کے خرچے دوگنا سے بھی تجاوز کر چکے ہیں۔
شہریوں کاکہناہے کہ یہ مہنگائی نہیں ہے ہماری جیبوں پر ڈاکے ہیں ،حکومت کی ناقص پالیسی کے باعث مڈل کلاس طبقہ بھی خط غربت سے نیچے جا رہا ہے۔
یہ بھی پڑھیں:سٹاک مارکیٹ میں مندی، انڈیکس ایک لاکھ 70 ہزار پوائنٹس کی حد کھو بیٹھا
شہریوں کاکہناہے کہ ہم تو پریشان ہو گئے ہیں ،ہر روز نیا ٹیکس، ہر روز نئی قیمت اورہر روز نئی مہنگائی کا طوفان ہوتاہے۔
شہریوں کی جانب سے حکومت سے اس فیصلے پر نظرثانی کامطالبہ کیاگیاہے۔
