(ویب ڈیسک)اداکار فہد شیخ نےوائرل ویڈیو کے بعد سینئر اداکار سیدمحمد احمد سے معافی مانگ لی۔
چندروزقبل سید محمد احمد نےایک انٹرویومیں بتایاتھاکہ ایک کم عمر اداکار نےدومختلف ڈراموں کی شوٹنگ کےدوران ان کےگنجے پن،قد اور رنگت پرباربارطنزیہ جملے کسے،انہوں نےشوٹنگ کا ماحول خراب ہونے سے بچانے کے لیے خاموشی اختیار کی۔
اس انکشاف کےبعدشوبز شخصیات نےسید محمد احمد سے اظہارِ یکجہتی کیا،جبکہ اداکار شمعون عباسی،اعجاز اسلم سمیت کئی فنکاروں نے متعلقہ اداکار سے معافی مانگنے کا مطالبہ کیا تھا۔
یہ بھی پڑھیں:جمانجی کے مداحوں کی نئی آزمائش، جمانجی: اوپن ورلڈ کے ٹریلر کی تہلکہ خیز ویڈیو وائرل ہوگئی
تنقید کے بعد فہد شیخ نے انسٹاگرام اسٹوری کے ذریعے اپنا مؤقف پیش کرتے ہوئے کہا کہ وائرل ویڈیو شوٹنگ کے دوران ہونے والے ایک مذاق کا حصہ تھی، کیونکہ سیٹ پر فنکارعموماً ایک خاندان کی طرح کام کرتے ہیں، تاہم انہوں نے یہ بھی کہا کہ اگر ان کے کسی عمل سے سید محمد احمد کی دل آزاری ہوئی ہے تو وہ اس پر معذرت خواہ ہیں۔
