(حاشر وڑائچ)اسلام آباد کی انسدادِ دہشت گردی عدالت نے پی ٹی آئی رہنما اسد قیصر کے خلاف سنگجانی جلسہ کیس میں عبوری ضمانت میں 24 ستمبر تک توسیع کر دی۔
اسلام آباد کی انسدادِ دہشت گردی عدالت میں پی ٹی آئی رہنما اسد قیصر کے خلاف سنگجانی جلسہ کیس کی سماعت ہوئی، جج ابوالحسنات محمد ذوالقرنین نے کیس کی سماعت کی ۔
اسد قیصر کی جانب سے حاضری سے استثنیٰ کی درخواست دائرکی گئی تھی،ان کی جانب سے وکیل عائشہ خالد عدالت میں پیش ہوئی۔
عائشہ خالدنے عدالت کوبتایاکہ اسد قیصر بیرون ملک ہونے کیوجہ سے عدالت میں پیش نہیں ہوئے، وہ ریگولر عدالتی کاروائی کا حصہ بنتے ہیں جس کے بعدعدالت نے اسد قیصر کی حاضری سے استثنیٰ کی درخواست منظور کر لی۔
یہ بھی پڑھیں:تعلیمی اداروں میں چھ روزہ ورکنگ ویک بحال،نوٹیفیکیشن جاری
واضح رہے کہ اسد قیصر کیخلاف تھانہ سنگجانی میں مقدمہ درج ہے۔
