(24نیوز)شمالی اٹلی میں گائروکاپٹر حادثے کا شکارہوگیاجس کے نتیجے میں گائرو کاپٹر پر سوار 2 افراد ہلاک ہوگئے۔
گائرو کاپٹر پرواز کے دوران کیبل لائن سے ٹکرا گیاجس کے نتیجے میں وہ گرکرتباہ ہوگیا۔
یہ بھی پڑھیں: گیس سبسڈی کے موجودہ نظام اور سلیب پر نظرثانی کی ضرورت ہے؛وفاقی وزیرپیٹرولیم
@straitstimes 2 people were killed after a gyrocopter in Italy erupted into flames after hitting cable car wires. #italy ♬ original sound – The Straits Times
حادثے کی ویڈیو سوشل میڈیا پر وائرل ہوگئی ہے،حادثہ بدھ کو مقامی وقت کے مطابق صبح 11.30 بجے پیش آیا تھا۔
اٹلی کا شمالی علاقہ پیڈمونٹ جھیل اور پہاڑوں کی وجہ سے سیاحتی لحاظ سے بہت مشہور ہے، گائرو کاپٹر میں سوار دونوں افراد موقع پر ہی ہلاک ہو گئے جن کی شناخت 62 سالہ الیسانڈرو اینجلو مسینیلی اور 63 سالہ انتونیلا پاگلیرانی کے ناموں سے ہوئی ہے،دونوں افراد کا تعلق اٹلی سے ہی ہے۔
واضح رہے کہ گائرو کاپٹر ایک ہلکا پھلکا ہوائی جہازہوتا ہے جو ہیلی کاپٹر سے مشابہت رکھتا ہے لیکن انجن اور تکنیکی لحاظ سے مختلف ہوتا ہے، گائرو کاپٹر عام طور پر 2 نشست والے ہوتے ہیں جنہیں تفریحی اور پہاڑی علاقوں میں کم اونچائی پر سیر و تفریح کے لیے استعمال کیا جاتا ہے۔
