(ویب ڈیسک)آزاد جموں و کشمیر قانون ساز اسمبلی میں پاکستان پیپلز پارٹی کے رہنما چوہدری محمد یاسین کو اپوزیشن لیڈر مقرر کردیا گیا۔
سپیکر آزاد کشمیر اسمبلی چوہدری طارق فاروق نے چوہدری محمد یاسین کی بطور اپوزیشن لیڈر تقرری کا باقاعدہ نوٹیفکیشن جاری کردیا ہے۔
چوہدری محمد یاسین بطور اپوزیشن لیڈر قانون ساز اسمبلی میں اپوزیشن کی نمائندگی کریں گے اور حکومت کے مقابل پارلیمانی کردار ادا کریں گے۔
واضح رہے کہ مسلم لیگ (ن) کی حکومت نے افتخار گیلانی کو وزیراعظم آزاد کشمیر منتخب کیا ہے، چوہدری محمد یاسین کی بطور اپوزیشن لیڈر تقرری کے بعد آزاد کشمیر قانون ساز اسمبلی میں حکومت اور اپوزیشن کا پارلیمانی سیٹ اپ مکمل ہوگیا ہے۔
یہ بھی پڑھیں:49 مسافرہنوز لاپتہ؛ پی کے چار سو چار کوزمین کھا گئی یا آسمان نگل گیا؟
