(عابد چودھری)جشن آزادی کے موقع پر لاہور میں منچلوں، تیز رفتار ڈرائیورز اور خطرناک کرتب دکھانے والوں کے خلاف کریک ڈاؤن کیا گیا۔
جشن آزادی کے دو روز کے دوران 3 ہزار سے زائد موٹرسائیکلیں بند کی گئیں۔
حکام کے مطابق ون ویلنگ کرنے والوں کے خلاف مختلف تھانوں میں 5 مقدمات درج کروائے گئے۔
مزید پڑھیں:لاہور:ہربنس پورہ میں کار بے قابو ہو کردرخت سے ٹکرا گئی ، 5 افراد جاں بحق ، بچہ زخمی
تیز رفتاری، خطرناک کرتب اور روڈ بلاکنگ کرنے والوں کے خلاف بھی 5 مقدمات درج کیے گئے۔
کار ڈرفٹنگ کرنے والوں کے خلاف بھی کارروائی کرتے ہوئے 2 مقدمات درج کیے گئے۔
جشن آزادی کے دوران ون وے کی خلاف ورزی پر 666 چالان، جبکہ موٹرسائیکل پر 3 سواریاں بٹھانے پر 614 چالان کیے گئے۔
اس کے علاوہ بغیر ہیلمٹ موٹرسائیکل چلانے والے 3351 سواروں کے خلاف بھی کارروائی عمل میں لائی گئی۔
