(ویب ڈیسک)نیپال میں سیلاب کے بعد چوری کی وارداتیں شروع ہوگئیں جہاں ایک مردہ خاتون کے کانوں سے سونے کی بالیاں چرانے پر 2 افراد کو گرفتار کرلیا گیا۔
نیپال میں سیلاب نے تباہی مچائی ہوئی ہے جہاں سیلاب کی وجہ سے انفرااسٹرکچر کو شدید نقصان پہنچا ہے اور اب تک 450 سے زائد افراد ہلاک ہوچکے ہیں۔
سیلاب سے تباہی کی مختلف ویڈیوز سامنے آرہی ہیں لیکن سوشل میڈیا پر ایک ایسی بھی ویڈیو وائرل ہورہی ہے جسے انتہائی افسوسناک قرار دیا جارہا ہے۔
मृतकको कानको मुन्द्रा चोरी गर्ने व्यक्तिहरु नियन्त्रणमा लिएको सम्बन्धमा । pic.twitter.com/pnPlnQPn9j
— Nepal Police (@NepalPoliceHQ) August 27, 2026
وائرل ویڈیو میں دیکھا گیا کہ دریا کنارے پر 2 افراد نے ڈنڈے کی مدد سے پانی میں تیرتی ہوئی لاش کو پکڑا اور پھر لاش کے کانوں میں موجود سونےکی بالیں چوری کرلیں۔
ویڈیو کے وائرل ہونے پر پولیس نے کارروائی کرتے ہوئے 2 افراد کو گرفتار کرلیا۔
میڈیا رپورٹس کے مطابق چین اور نیپال کے سرحدی علاقے میں آنے والے تباہ کن سیلاب کے نتیجے میں 1500 سے زائد افراد لاپتا ہیں۔
یہ بھی پڑھیں: حنا جاوید کیس ہائی پروفائل قرار ، پنجاب پراسیکیوشن کی خصوصی کمیٹی قائم
