(ثمرہ فاطمہ)لاہور کو پلاسٹک فری بنانے کے لیے ہدف مقررہ مدت گزرنے کے باوجود حاصل نہ ہو سکا۔
جون 2026 تک لاہور کو پلاسٹک فری بنانے کا ہدف مقرر کیا گیا تھا، تاہم شہر کے مختلف بازاروں میں ناقص اور غیر معیاری پلاسٹک بیگز کی فروخت تاحال جاری ہے،پلاسٹک بیگز پر پابندی کے باوجود متعدد دکانوں اور بازاروں میں ممنوعہ پلاسٹک شاپنگ بیگز استعمال اور فروخت کیے جا رہے ہیں۔
شہریوں کا کہنا ہے کہ پابندی پر مؤثر عملدرآمد نہ ہونے کے باعث پلاسٹک بیگز کا استعمال بدستور معمول بنا ہوا ہے۔
حکام کی جانب سے پلاسٹک بیگز کے خلاف باقاعدہ مہم کا آغاز 2024 میں کیا گیا تھا، جس کا مقصد ماحول کو آلودگی سے بچانا اور پلاسٹک کے استعمال میں کمی لانا تھا،تاہم مقررہ ہدف کے باوجود لاہور کو مکمل طور پر پلاسٹک فری بنانے میں کامیابی حاصل نہیں ہو سکی۔
یہ بھی پڑھیں:مون سون سیزن، سندھ میں مخدوش سکولوں کے حوالے سے اہم فیصلہ
ماہرین کے مطابق پلاسٹک بیگز کی تیاری، فروخت اور استعمال پر مؤثر نگرانی اور پابندی پر سختی سے عملدرآمد کے بغیر مطلوبہ نتائج حاصل کرنا مشکل ہوگا،ناقص پلاسٹک بیگز کی دستیابی نے حکومتی مہم اور پابندی کے مؤثر نفاذ پر بھی سوالات اٹھا دیے ہیں۔
