(ویب ڈیسک )قیمہ آلو مٹر کی مکمل آسان ترکیب ملاحظہ کیجئے۔
اجزاء: آدھا کلو قیمہ، 2 درمیانے آلو، 1 کپ مٹر، 1 درمیانی پیاز، 2 ٹماٹر، 1 کھانے کا چمچ ادرک لہسن کا پیسٹ، 1 چائے کا چمچ لال مرچ، آدھا چائے کا چمچ ہلدی۔
1 چائے کا چمچ دھنیا پاؤڈر، نمک حسبِ ذائقہ، آدھا چائے کا چمچ گرم مصالحہ، آدھا کپ تیل، ہرا دھنیا اور ہری مرچ حسبِ ضرورت۔
ترکیب: پتیلی میں آدھا کپ تیل گرم کرکے ایک درمیانی پیاز ڈالیں اور اسے سنہری ہونے تک بھونیں۔
اس کے بعد ادرک لہسن کا پیسٹ شامل کرکے ایک منٹ بھونیں، پھر آدھا کلو قیمہ ڈال کر اچھی طرح بھنائی کریں۔
یہاں تک کہ قیمے کا پانی خشک ہوجائے اور قیمہ اچھی طرح بھن جائے۔
اب اس میں دو کٹے ہوئے ٹماٹر، نمک، لال مرچ، ہلدی اور دھنیا پاؤڈر شامل کریں اور مصالحے کو اچھی طرح بھونیں، یہاں تک کہ ٹماٹر گل جائیں اور تیل الگ نظر آنے لگے۔
اب دو درمیانے آلو اور ایک کپ مٹر شامل کرکے 2 سے 3 منٹ تک مصالحے کے ساتھ بھونیں۔
اس کے بعد تقریباً ڈیڑھ کپ پانی ڈال کر پتیلی کو ڈھک دیں اور درمیانی آنچ پر 15 سے 20 منٹ تک پکنے دیں۔
جب آلو اچھی طرح گل جائیں اور گریوی گاڑھی ہوجائے تو آدھا چائے کا چمچ گرم مصالحہ ڈال کر مزید 2 منٹ پکائیں۔
آخر میں ہرا دھنیا اور ہری مرچ ڈال کر چولہا بند کردیں۔
مزیدار قیمہ آلو مٹر تیار ہے، اسے گرم روٹی، نان یا چاولوں کے ساتھ پیش کریں۔
